VIGO 30 Sep. (EUROPA PRESS) -
A Garda Civil interceptou na madrugada do pasado domingo 22 de setembro a un menor conducindo un vehículo que collera sen o permiso dos seus pais.
Os feitos ocorreron na localidade pontevedresa de Valga, cando unha patrulla, que circulaba pola EP8506, observou un turismo circulando a gran velocidade e invadindo o sentido contrario.
Ao decatarse da presencial policial, o condutor perdeu o control do automóbil e chocou contra a patrulla, dándose á fuga novamente. Así, iniciouse un seguimento do coche, momento no cal o mozo volveu perder o control do coche e foi interceptado após saírse da vía.
Desta maneira, os axentes comprobaron que se trataba dun menor de 17 anos, que foi entregado á súa nai, instruíndo dilixencias por dous delitos contra a seguridade viaria por conducir sen permiso e facelo de forma temeraria. Os feitos foron trasladados ao Xulgado de Instrución de Caldas de Reis e á Fiscalía de Menores.
A Benemérita engade nun comunicado que o menor collera as chaves do vehículo sen coñecemento dos seus pais.
Andalucía
