PONTEVEDRA, 23 Oct. (EUROPA PRESS) -
Un mozo de 24 anos de idade e veciño de Bueu (Pontevedra) faleceu despois de sufrir un accidente no pesqueiro no que faenaba na noite deste martes preto das Illas Ons.
Así o confirmaron a Europa Press fontes da Guardia Civil, que explicaron que os feitos sucederon sobre as 21,45 horas cando o mozo mariñeiro sufriu un golpe cando faenaba no pesqueiro 'Novo Cristo da Laxe', con base en Bueu, e caeuse á auga.
Para o rescate foron mobilizadas a patrulleira do Servizo Marítimo da Guardia Civil 'Curvo Mariño' e o helicóptero 'Peca 1' do Servizo de Gardacostas da Xunta.
As mesmas fontes concretaron que o mozo, veciño da parroquia de Beluso, faleceu posteriormente.