Actualizado 11/09/2019 08:45:13 +00:00 CET

A produción industrial galega baixa en xullo por oitavo mes consecutivo

- EPDATA

Acumula a segunda maior caída entre comunidades no que vai de 2019, cun retroceso do 6,2%

SANTIAGO DE COMPOSTELA, 11 Sep. (EUROPA PRESS) -

O Índice Xeral de Produción Industrial (IPI) baixou en xullo en Galicia un 0,1% en comparación co mesmo mes do ano anterior, o que contrasta coa subida media do 2,9% rexistrada en España, segundo publica este mércores o Instituto Nacional de Estatística (INE).

De tal forma, a Comunidade galega acumula oito meses consecutivos de caídas interanuais, xa que o último dato positivo data de novembro de 2018. Con todo, o descenso de xullo é a cifra máis baixa na serie negativa encadeada.

A produción industrial aumentou o pasado mes de xullo en dez comunidades autónomas en taxa interanual e diminuíu nas outras sete.

Os maiores incrementos producíronse en Murcia (+25,6%), Navarra (+18,8%) e Castela-A Mancha (+9,1%), mentres que os maiores descensos anotáronllos Baleares (-7,2%), Castela e León (-5,1%) e Canarias (-4,1%).

De tal forma, a produción industrial galega descende un 6,2% no que vai de ano, entre xaneiro e xullo, o que supón o segundo maior retroceso entre comunidades, só superado por Baleares (-6,5%). En cambio, a media española conta cun repunte do 0,4% neste período.

Lo más leído

  1. 1

    El Ministerio de Sanidad prohíbe fumar en la calle y cierra las discotecas ante el avance del COVID-19

  2. 2

    El Gobierno Vasco declarará el lunes la Emergencia Sanitaria en Euskadi

  3. 3

    Iglesias denuncia un "juicio mediático" a Podemos y avisa que seguirá en el Gobierno con su agenda republicana

  4. 4

    Hubble revela que el oscurecimiento de la estrella supergigante Betelgeuse se debe a una nube de polvo

  5. 5

    Canarias cierra el ocio nocturno, impone la mascarilla obligatoria y prohíbe fumar en la calle