LUGO, 23 Oct. (EUROPA PRESS) -
Seis persoas foron detidas en Lugo no marco da 'Operación Rañolas', que desarticulou este mes de outubro dous puntos negros de venda de droga. Aos detidos impútanselles delitos contra a saúde pública por tenencia e venda de sustancias estupefacientes, cocaína e marihuana.
Segundo informa a Policía nun comunicado, a captación de información e a recepción de queixas veciñais alertaban da posible venda de droga en dúas vivendas na cidade de Lugo, unha nas inmediacións do centro histórico e a outra na zona norte da cidade.
No piso da zona centro, no que residían dúas persoas, ambos vendían cocaína ao "menudeo", coa consecuente trasfega de persoas que a diario acudían a comprar a cocaína.
Na vivenda da zona norte, os seus moradores (un matrimonio) traficaban con marihuana e cocaína. Neste punto non só realizaba a venda no domicilio, senón que ademais estaban asistidos por unha terceira persona, que a distribuía na rúa. Tamén se logrou localizar ao provedor que lles fornecía a droga.
Nos rexistros domiciliarios interviñéronse 15 doses de cocaína, 70 de marihuana xa preparadas para a venda, 2.000 euros en efectivo, así como diverso material para a pesada e envasado.
Coas probas obtidas, os investigadores detiveron seis persoas, algunhas delas con antecedentes policiais, sendo postas a disposición xudicial. O dispositivo levouno a cabo Grupo de Drogas da Brigada Provincial de Policía Xudicial.
