SANTIAGO DE COMPOSTELA, 12 Ago. (EUROPA PRESS) -
As residencias galegas continúan este mércores con tres usuarios da Domusvi Matogrande na Coruña e dous traballadores das localidades lucenses de Xove e Paradela infectados con coronavirus COVID-19.
Dos 827 casos rexistrados en Galicia até este mércores hai cinco vinculados con centros residenciais, segundo indican as consellerías de Sanidade e Política Social, que se corresponden con dous traballadores e tres usuarios infectados.
Deste xeito, segundo os datos actualizados este mércores, mantéñense en tres os usuarios con COVID. As residencias de maiores galegas non tiñan até esta fin de semana pasada ningún caso positivo entre os usuarios desde o pasado 30 de xuño, aínda que si houbo contagios que afectaron a traballadores.
En concreto, os positivos detectados en persoal corresponden a un traballador da Residencia de Maiores de Paradela e dunha empregada da Residencia de Maiores San Bartolomeu de Xove.
