SANTIAGO DE COMPOSTELA, 18 Sep. (EUROPA PRESS) -
Os casos activos de coronavirus COVID-19 en Galicia aumentaron en 11 nas últimas 24 horas tras detectarse 248 novos positivos na Comunidade galega e rexistrarse 233 novas altas, ademais de catro falecementos.
Segundo os datos facilitados este venres pola Consellería de Sanidade, os casos activos baixan nas áreas de Lugo --27 menos--, Ferrol --seis menos-- e Santiago --outro catro menos--.
En concreto, dos 4.317 casos activos rexistrados en Galicia, 1.237 corresponden á área sanitaria da Coruña --un máis que este xoves--, 745 á de Lugo --27 menos--, 631 á de Santiago --catro menos--, 611 á de Pontevedra --27 máis-- 511 á de Ourense --oito máis--, 406 á de Vigo --12 máis-- e 176 á de Ferrol --seis menos--.
Até o momento, segundo os datos actualizados por Sanidade, curáronse en Galicia 16.297 persoas, o que implica 233 máis que este xoves, e faleceron 705 persoas con COVID-19.
O número de PCR realizadas na Comunidade galega até este venres ascende a 416.411 fronte ás 410.517 contabilizadas até este xoves.