Actualizado 01/07/2019 13:02:44 +00:00 CET

Villares apela a "reilusionar ao electorado" desde o novo Grupo Mixto

EUROPA PRESS

O maxistrado en excedencia sinala que "foi un erro estar tres anos buscando unha unidade ficticia" porque "había xente que non a quería"

SANTIAGO DE COMPOSTELA, 1 Jul. (EUROPA PRESS) -

O recentemente constituído Grupo Mixto botou a andar este luns cunha rolda de prensa celebrada na Cámara galega na que o seu portavoz parlamentario, Luís Villares, apelou a " reilusionar ao electorado" e ser "só protagonistas" polo traballo "político" deixando "atrás" os problemas internos.

Acompañado polos tres deputados que o seguiron na súa saída do Grupo de En Marea, Villares explicou que o Grupo Mixto "representará institucionalmente" no Pazo do Hórreo á organización En Marea, da que renegan os deputados que integran na actualidade a agora terceira forza política na Cámara.

"Somos o grupo parlamentario de En Marea, somos os representantes institucionais desta organización", subliñou Villares, que solicitou os seus excompañeiros que cambien a súa denominación formal na Cámara, algo que está en estudo por parte dos deputados malia que aínda non deron cunha fórmula que esperte consenso, segundo fontes consultadas por Europa Press.

A pesar de que Villares e os seus utilizarán a denominación En Marea para referirse ao seu grupo, este ten como nome formal ante a Cámara o de Grupo Mixto, como así acordou a Mesa do Parlamento nun escrito emitido este luns e no que ratifica o nomeamento de Villares como portavoz parlamentario.

Deste xeito, o Grupo Mixto estará presente na reunión da xunta de portavoces prevista para este martes na que se definirán os cambios no funcionamento (tempos de intervención, iniciativas, etc) da Cámara tras a constitución dun novo grupo político, así como a súa asignación económica en virtude da aplicación do regulamento do Parlamento.

CRE QUE NON ROMPER ANTES "FOI UN ERRO"

"Foi un erro estar tres anos buscando unha unidade ficticia porque había xente que non a quería", aseverou a preguntas dos medios Luís Villares, que afirma que existe "a vontade férrea" de "reilusionar" ao electorado ao longo do último ano que, á volta do parón estival, restará á presente lexislatura.

"O que causaría decepción sería non arranxar os problemas", incidiu o maxistrado en excendencia cuestionado sobre a repetición do vivido coa predecesora de En Marea, Alternativa Galega de Esquerdas, que tamén sufriu unha escisión que fixo que tres das nove actas de deputados conseguidas nas urnas concluísen a lexislatura no Grupo Mixto.

Para Villares, a conformación do Grupo Mixto permitirá que "só sexan protagonistas" as iniciativas "políticas" e non os problemas internos que queren "deixar atrás". É así que, segundo o portavoz orgánico de En Marea, ante unha "situación cambiante" no terreo da esquerda rupturista era necesario "dar unha resposta actualizada".

CONFIGURACIÓN DO GRUPO

"Somos xente seria na que se pode confiar", apuntou, para a continuación recoñecer que o traballo político no Grupo Mixto será coincidente, nalgúns aspectos, co que desenvolveron no últimos tres anos dentro do Grupo de En Marea.

Así as cousas, o Grupo Mixto terá como viceportavoces a Pancho Casal e Paula Vázquez Verao, quen, á súa vez, repártense as responsabilidades nas áreas social para a primeira (comisións de cultura e educación, e sanidade) e económica para o segundo. Pola súa banda, Davide Rodríguez continuará con medio rural e suma a área de medio ambiente.

LEICEAGA PIDE QUE "NON AFECTE" O MIXTO

Tamén se referiu este luns á suma dun novo grupo na Cámara o portavoz do PSdeG no Parlamento, Xoaquín Fernández Leiceaga, quen apostou por que a ruptura do Grupo de En Marea e a creación do Grupo Mixto "afecte o menos posible" ao traballo do resto de formacións no Pazo do Hórreo.

"14 é igual a dez máis catro", advertiu, en referencia ás dúas partes nas que se fragmentará o espazo de confluencia. "Deberiamos, na medida do posible, manter aos demais grupos na súa capacidade de exercer o seu labor parlamentario", subliñou.

Lo más leído

  1. 1

    Localizan en buen estado en la provincia de Córdoba el helicóptero robado en la BRIF de Cuenca

  2. 2

    Muere uno de los dos heridos en el accidente del hidroavión de Lobios (Ourense), un vecino de Portugal de 65 años

  3. 3

    Primeras imágenes de Kiko Matamoros en su traslado de hospital

  4. 4

    Investigan a un vecino de Mairena del Alcor (Sevilla) por tener un arma de guerra expuesta en una finca privada

  5. 5

    Los Reyes y sus hijas llegan a Mallorca para enfrentarse a su peor verano