SANTIAGO DE COMPOSTELA, 12 Ago. (EUROPA PRESS) -
O comité clínico de expertos en materia de prevención da COVID-19 abordou na súa reunión deste mércores a posibilidade de prohibir fumar mentres se camiña pola rúa ou se está en espazos públicos permitidos --como terrazas-- se non se garante a distancia de seguridade.
Así o explicou, durante unha rolda de prensa posterior ao encontro, o presidente da Xunta, Alberto Nuñez Feijóo, que detallou que os expertos consideran o fume do tabaco "un factor de difusión" do virus.
Por iso, na orde que se publicase na tarde deste mércores, avanzou, incluirase unha medida deste tipo que se concretará logo das consultas pertinentes e que afectará a toda Galicia.
