SANTIAGO DE COMPOSTELA, 31 Ene. (EUROPA PRESS) -
O Goberno galego aprobou este xoves unha primeira ampliación do plan de transporte público compartido, que permitirá que o 35% dos autobuses escolares de Galicia poida ser empregado tamén por persoas adultas. O obxectivo para finais de 2019 é que o 55% destas rutas se inclúan na iniciativa.
Na rolda de prensa posterior á reunión semanal co seu Executivo, o presidente autonómico, Alberto Núñez Feijóo, avanzou que este venres sairá a información pública os novos mapas destas liñas. Ademais, anunciou que, como novidade, neste plan de transporte compartido uniranse "todas" as rutas dos colexios incluídos na iniciativa.
O obxectivo deste ano 2019 é, tal e como o explicou, que se adhiran ao plan "o 100%" das rutas adecuadas co plan, é dicir, que "respecten o horario de saída e entrada" dos centros, que representan o 55% dos autobuses escolares de Galicia. O 45% restante, asegurou Feijóo, "non é compatible".
