MADRID, 28 Nov. (EUROPA PRESS) -
Eth Plen deth Congrès a aprovat aguest dijaus era Lei Organica entara Melhora dera Qualitat Educativa (LOMCE) damb eth supòrt deth PP en solitari. PSOE, CiU, era Esquèrra Plurau (IU-ICV-CHA), UPyD, PNB, Amaiur, ERC, BNG, Coalicion Canària, Compromés, Geroa Bai e Fòrum Astúries an votat en còntra e UPN s'a abstengut.
Era setau lei educativa dera democracia començarà a implantar-se eth pròplèu cors escolar 2014-2015. Pendent eth debat, era majoria des grops dera oposicion an reïterat eth sòn compromés de derogar era naua normativa quan càmbie era majoria parlamentària e eth PSOE, en concrèt, a anonciat que la recorrerà ath dauant deth Tribunau Constitucionau.
A diferència dera votacion deth projècte dera LOMCE en aguesta Cramba eth passat 10 d'octobre, en quau Fòrum Astúries s'abstenguec, aguest dijaus eth sòn deputat, Enrique Álvarez Sostres, a votat en còntra, tal com hec aguesta formacion era setmana passada en Plen deth Senat.