ERA CORUNYA, 13 Nov. (EUROPA PRESS) -
Era Audiència Provinciau de La Corunya a absolvut eth capitan del 'Prestige', Apostolos Mangouras, eth cap de maquines deth vaishèth e er exdirector generau dera Marina Mercante José Luis López Sors, pes delictes còntra eth miei ambient des quaus èren acusadi, mentre qu'unicament eth prumèr a estat condemnat a 9 mesi de preson per un delicte de "desobediència grèu".
Ena sua resolucion, hèta publica aguest dimèrcles ar onzau aniversari deth sinistre maritim -arribat eth 13 de noveme deth 2002 ath dauant des còstes galhegues-, eth tribunau que pendent nau mesi jutgèc era catastròfa, a absolvut de toti es delictes pes quaus èren tractadi ath cap de maquines, Nikolaos Argyropoulos e a López Sors.
Mentretant, eth quatau acusat, eth prumèr oficiau, Ireneo Maloto, demore excludit d'aguesta senténcia perque no arribèc a èster jutjat, ath trapar-se en parador desconeishut.
