MADRID, 20 Nov. (EUROPAN PRESS) -
Eth secretari generau deth PSOE, Alfredo Pérez Rubalcaba, a demanat aguest dimèrcles ath president deth Govèrn centrau, Mariano Rajoy, que presente ath dauant deth Congrès es sues proposicions per usar es 1.800 milions d'èuros que corresponen a Espanha laguens deth plan dera UE entath encoratjament deth trabalh juvenil.
Pendent era session de contròtle ath Govèrn centrau en Plen dera Cramba Baisha, eth lidèr dera oposicion a demanat a Rajoy pera sua avaloracion sus era Conferéncia d'Ocupacion qu'es lidèrs europèus celebrèren a París era setmana passada, e a profitat per arrebrembar-li er acòrd dera majoria de grops parlamentaris prèvia ath Conselh Europèu deth mes de junh passat.
"I mos agradarie qu'es iniciatives deth Govèrn en aguesta matèria (d'ocupacion juvenila) passen pera Cramba e agen eth madeish grad d'acòrd qu'abans deth Conselh de junh,," a hijut Pérez Rubalcaba.
