SANTIAGO DE COMPOSTELA, 14 Oct. (EUROPA PRESS) -

O consello territorial da Asociación multisectorial de Empresas de Tecnologías de la Información, Comunicacións e Electrónica (Asimelec Galicia), constituído o pasado mes de xullo, acordou abrir negociacións sobre o cluster TIC con todas as asociacións, colexios profesionais e empresas do sector para "partir dende cero" en canto a estatutos, fins, obxectivos e representación.

Nun comunicado, Asimelec sinalou que pretende debater sobre o modelo dun cluster TIC aberto a todas as empresas e institucións galegas do sector tecnolóxico, independentemente do seu tamaño ou do seu poder económico, para crear un ente "democrático e independente e construído dende cero polos propios intereses do conxunto sectorial".

O consello territorial de Asimelec Galicia agrupa coas asociacións mencionadas a mais de 450 empresas, un 60% de todo o sector TIC galego. Así mesmo, solicitou á Secretaria Xeral de Modernización e Innovación Tecnoloxica de la Xunta que actúe como "arbitro" do proceso negociador.

Por outra banda, José María López Bourio foi designado como vicepresidente executivo e Sonia Rábade como secretaria xeneral, de forma que serán os encargados de apoiar as tarefas de dirección do presidente de Asimelec Galicia, José Ramón García, da empresa Blusens.