SANTIAGO DE COMPOSTELA, 1 Mar. (EUROPA PRESS) -
O xerente do Obradoiro de Gaitas Lis Latas, Pepe Vaamonde, presentará mañá domingo ás 12.00 horas no auditorio do Museo do Pobo Galego o 'punteiro afinable', un elemento "desenvolvido e patentado" polo propio taller e que "revolucionará o actual mundo da gaita".
Segundo sinalaron fontes de Obradoiro Lis Latas, este punteiro nace da "demanda continua dos músicos por conseguir" un punteiro que "lles dea amplitude de afinación e de compensación do instrumento de xeito rápido e preciso" abrindo "maiores posibilidades que as alcanzadas por un punteiro fixo tradicional".
O acto concluirá cunha actuación na que se empregará o novo punteiro a cargo dos gaiteiros Xosé Manuel Budiño, Iván Costa, Edelmiro Fernández, Brais Monxardín, Anxo Lois Pintos, Pepe Vaamonde, Suso Vaamonde e Bruno Villamor.
