SANTIAGO DE COMPOSTELA 3 Dic. (EUROPA PRESS) -

Unha plataforma de teleformación pioneira no Estado servirá para formar sobre violencia de xénero máis de 2.000 persoas en Galicia procedentes de diversos ámbitos sociais cun curso on-line que se levará a cabo por quendas dende a próxima semana e que se prolongará durante 2009.

Esta iniciativa, impulsada pola Secretaría Xeral de Igualdade da Vicepresidencia da Xunta coa colaboración da Universidade de Vigo, ten como obxectivo a formación específica nos distintos ámbitos profesionais que tratan esta problemática, ao tempo que sensibilizar e concienciar sobre a necesidade de "erradicar" a violencia de xénero.

A secretaria xeral de Igualdade, Carme Adán, explicou en rolda de prensa que os cursos, que durarán entre unhas cinco e seis semanas, se dividirán en dúas partes, por un lado un curso xeral de 20 horas e, por outro, a formación específica nos ámbitos educativo, xudicial, mediático ou xudicial --entre outros--, que terá unha duración de 30 horas.

Así mesmo, Adán destacou a "gran demanda" para realizar este curso, que xa alcanza as 1.910 solicitudes, a día de hoxe e con perspectivas a aumentar, ante o que se comprometeu a que todos os inscritos poderán realizar o curso, que é de carácter gratuíto e que acredita cun diploma a súa realización, aínda que a participación será por "quendas" e por orde de petición.

VANTAXES

Pola súa banda, o coordinador da aplicación, o profesor de Enxeñaría Telecomunicacións da Universidade de Vigo Luis Aniño, explicou as "vantaxes" da aplicación, que centrou na "flexibilidade horaria ou a independencia xeográfica", así como no feito de que estea "enfocado ao alumnado", polas temáticas que se tratan de forma específica.

Del mesmo modo, subliñou que se trata dunha aplicación que a longo prazo será "rentabilizará", aínda que supuxera unha "importante inversión inicial", e puxo de manifesto que os contidos se poderán actualizar en canto xurdan novidades.

Ademais, ao respecto das súas características técnicas, fixo fincapé na existencia dun mecanismo de auto avaliación do alumno e na posibilidade de interactuar o grupo de expertos encargados da tutorización --entre os que se atopan técnicos da Subdirección Xeral para o Tratamento da Violencia de Xénero-- coa persoa que realiza o curso.