A CORUÑA, 25 Ago. (EUROPA PRESS) -
Esta fin de semana a localidade de Oleiros (A Coruña) acollerá a celebración de diversos torneos e campionatos de ámbito local e provincial. A primeira será o sábado, as 18.30 horas, no campo municipal de Fútbol "Eugenio Pardo Conchado" onde se disputará a final do XXXVII Torneo concello de Oleiros no que se enfrentarán o Dorneda C.F. e o Marino de Mera C.F.
O domingo a partir das 11.00 horas comenzarán tres eventos que terán como esceario as localidades de Santa María de Oleiros e Santa Cristina. Na primeira, arrincará a III Concentración moteira Concello de Oleiros na que está previsto que participen cerca de 300 personas realizando un percorrido turístico polo municipio. A marcha concluirá cunha comida campestre no Campo de O Condús onde haberá xogos tradicionais e música para os asistentes.
A esa mesma hora na praia de Santa Cristina dará comezo a celebración da XVI bandeira de Traíñas concello de Oleiros, na que participarán 16 embarcacións procedentes de diferentes lugares da comunidade autónoma e do Principado da Asturias.
A competición consistirá na celebración de catro tandas que darán paso a unha final na que o Clube de Regatas Perillo, confía en gañar este preciado e simbólico galardón. No evento estará presentes a Delegada de Cultura e Deportes, Milagres Lantes, quen fará entrega da Bandeira da Liga Noroeste, e o Alcalde de Oleiros, Ángel García Seoane, encargado de obsequiar coa bandeira local ó gañador da torneo.
Antes de rematar a xornada de competición, haberá un acto de homenaxe adicado ós dous remeiros cadetes oleirenses que resultaron medallistas na proba nacional de dous sen timonel.
A outra cita deportiva prevista para o domingo será na bolera de Santa Cristina coa organización do I trofeo estatal de bowling "Concello de Oleiros", tamén ás 11.00 horas.
FESTAS
Por outra banda, a parroquia de Iñás, en Oleiros (A Coruña), iniciará mañán a celebración das tradicionais festas do mes de agosto que darán comezo coa celebración o vindeiro sábado dun partido de fútbol entre solteiros e casados, previsto para as 18.00 horas.
Ao día seguinte, tras a misa solemne, haberá unha sesión vermú coa actuación do grupo musical Alarma, que tamén será o encargado de amenizar a velada festiva.
Os actos continuarán o martes e mércores coa realización de diversas degustación gastronómicas. Así, o día 29 de agosto haberá churrascada dende as 19.00 horas no campo da festa e actuación, de seguido, da orquesta Nova Palma.
O día 30 será unha sardiñada popular a que poña o punto e final ós festexos que culminarán coa intervención musical do grupo Versalles ás 22.30 horas.
