SANTIAGO DE COMPOSTELA, 18 Abr. (EUROPA PRESS) -
A Universidade de Santiago (USC) e a Consellaría de Presidencia, Administracións Públicas e Xustiza convocaron dúas bolsas para que licenciados en Dereito por esta institución académica nos últimos cinco anos realicen actividades formativas relacionadas co procedemento administrativo no ámbito da Dirección Xeral de Administración Local.
Os interesados poderán presentar as súas solicitudes ata o 21 de abril no Decanato da Facultade de Dereito ou no Rexistro Xeral da universidade dirixidas á profesora Milagros Otero Parga, investigadora principal do proxecto.
A duración das bolsas, dotadas de 1.100 euros mensuais, será ata o 31 de decembro de 2006, prazo prorrogable en función das dispoñibilidades orzamentarias.
