SANTIAGO DE COMPOSTELA, 22 Jun. (EUROPA PRESS) -
Os veciños de Santiago e os turistas que mañá estén na cidade podrán cumprir coa tradición de "espantar os males" ao saltar algunha das 158 'cacharelas' autorizadas no casco urbán e no rural polo Os santiagueses saltarán as cacharelas un ano máis pola Concellalía de Seguridade Cidadá.
Segundo informou hoxe o Concello de Santiago, a capital galega encherase un ano máis de fogueiras para celebrar a noite de San Xoan. Así, están previstas que 101 cacharelas arderán na cidade, incluído casco urbano e arredores, mentres que outras 57 foron autorizadas nas parroquias do rural. En moitas delas ao lume unirase a tradición lúdico-gastronómica, de xeito que non faltarán as sardiñas, o churrasco, o viño e, nalgúns casos, a música en vivo.
Entre os escenarios das fogueiras, non faltarán os habituais, coma o alto de Bonaval, a Algalia de Abaixo, a Praza do Matadoiro ou a Praza Irmán Gómez, que traerán luz e calor ao casco histórico. Tampouco faltarán barrios habituais como Amio, Vista Alegre ou San Pedro, nin as parroquias do rural. Todos os seus veciños están chamados a reunirse en torno ao lume e a gozar das festas que nalgúns casos hai preparadas.
Ainda que non é o único ritual, o máis habitual é o de saltar as fogueiras para espantar os males durante todo o ano, pero o departamento municipal lembra que hai que ter precaución para evitar accidentes.
