Bermeoko Berbalagun egitasmoa abian da eta interesa dutenek parte hartzeko aukera dute

BILBO 5 Nov. (EUROPA PRESS) -

Bermeoko (Bizkaia) Berbalagun egitasmoa martxan da jadanik eta interesa duten pertsona guztiek badute ekimenean parte hartzeko aukera. Berbalagunen parte hartu nahi dutenek Bermeoko AEK (609 462 018) eta Gotzon Garitaonaindia (688 651 491) euskaltegietara, Hizkuntza Eskola Ofizialera (94 618 7091) edo Bermeoko Udaleko Euskara Sailera (94 617 9122) dei dezakete.

Bermeoko Udaleko iturriek prentsa ohar bidez jakinarazi dutenez, Berbalagunen bloga eta Facebook orria ere erabil daitezke izena emateko. Parte hartzea dohainik da.

Berbalagun egitasmoak euskara praktikatzeko eta bizitzeko aukera ematen du. Horrela, jendea bost edo sei pertsonako taldeetan elkartzen da, taldeak berak aukeratutako orduan, tokian eta egunean. Gutxienekoa astean ordu bat izaten da.

Edozeinek parte hartu ahal du, taldeak euskara mailaren arabera ere antolatzen direlako, hala nola oinarrizkoa, tartekoa eta trebea. Horrela, Berbalagunen parte hartzeko euskaraz hitz egiteko gogoa baino ez da behar, euskara ikasten daudenenentzat eta euskaraz ondo hitz egiten dutenentzat ere zuzenduta baitago.

"Beraz, euskara hobetu nahi duten pertsona guztiek, konfidantza hartu nahi dutenek edo euskaraz ondo moldatzen direnek eta berba egin nahi duenari laguntzeko prest daudenek Berbalagun egitasmoan aukera paregabea dute", azaldu dute.