28 de febrero de 2020
 
Publicado 20/01/2020 16:04:56CET

Anabel Santiago (Somos) denuncia una persecución política del gobiernu bipartitu

La portavoz de Somos Oviedo, Ana Taboada, y la edil Anabel Santiago.
EUROPA PRESS

UVIÉU, 20 Ene. (EUROPA PRESS) -

La conceyala de Somos nel Conceyu d'Uviéu, Anabel Santiago, denunció esti llunes la situación "insostenible" que ta sufriendo. Diz ser víctima d'una persecución política del gobiernu bipartitu.

Anabel Santiago diz recibir amenaces desque se fixo públicu que sería la númberu trés de la llista cola que Somos Uviéu foi a les elecciones municipales del mes de mayu.

Santiago insistió en que decidió presentase como independiente y, dende esi momentu, asegura qu'empezaron a llega-y "alvertencies" dende la redolada del PP. "Alvertencies onde se me diz qu'arrenuncie", detalló. En palabres de la conceyala de Somos, "el mensaxe foi "claro" y "contundente", "el to trabayu como profesora na Escuela de Música Tradicional d'Uviéu y tamién la to carrera artística puen vese afectaes. Piénsatelo bien".

Según esplicó, les "alvertencies" repitiéronse una vez que salió escoyida como conceyala. "Ataquen pela parte de la compatibilidá. Nun yera posible que la profesora de cantar de la Escuela Tradicional de Música d'Uviéu fuera tamién conceyala. Lo meyor que podría facer, según ellos, yera dexar la mio aventura política", argumentó pero, el tamién edil de Somos Uviéu, Rubén Rosón, retomó la carrera de Medicina arrenunciando a la lliberación, polo que Santiago solicitó una escedencia, amás de la lliberación parcial, pa realizar los llabores como conceyala.

A partir del momentu nel que recoyó l'acta, diz qu'empezaron les represalies col bloquéu de les sos redes sociales, en recibiendo denuncies masives por suplantación d'identidá. "Difícilmente puedo suplantar la mio identidá cuando yo mesma llevo les mios redes sociales", declaró. A esti fechu añádese qu'apocayá, el 8 de xineru, el so coche apareció rayáu nel estacionamientu nel que davezu aparca toles mañanes.

Amás, dixo que ta "cansada" d'escuchar comentarios machistes. "Esto yá nun ye una crítica política, convirtióse nuna crítica personal por ser política, por ser muyer y por ser artista", señaló.

ESPEDIENTE SANCIONADOR

Santiago esplicó qu'agora que ye conceyala del Conceyu d'Uviéu'l bipartitu quier abri-y un expendiente sancionador. "Espediente sancionador que ye namás una formalidá", dixo. La conceyala de Somos aseguró que tolos contratos que fixo col Consistoriu foron llegales.

Al so xuiciu, motiven esti espediente de forma "interesada" dende'l puntu de vista políticu porque namás tien que ver colos años nos que ye contrada pol tripartitu. "Los años anteriores, la dómina de Gabino y de Caunedo, nun existe, nun s'investiga", afirmó.

Según Santiago'l bipartitu quier facer creer qu'ella usa "la mesma política qu'ellos, la política de los amiguinos". "Quieren facer ver que yo me vendí por un puñáu de contratos y de dineru", opinó. Nesti sentíu, recordó que tanto Gabino de Lorenzo como Agustín Iglesias Caunedo fixeron-y más contratos y de cuantía mayor.

"Esto vien too d'un encargu dende los despachos del PP d'esti Conceyu. Dalgunos de xuru que nun me perdonaron que yo fuera la neña de los güeyos de Gabino de Lorenzo, el mesmu que me punxo una cai en La Corredoria", sentenció. De salir alantre esti espediente sancionador, sería'l primeru nel Conceyu d'Uviéu.