UVIÉU, 21 Jun. (EUROPA PRESS) -
El Gobiernu d'Asturies aprobó güei'l decretu pol que s'establecen los niveles de competencia nel usu de la llingua asturiana y se regula la prueba de certificación correspondiente a los niveles mentaos adaptaos al Marcu Común Européu de Referencia de les Llingües.
Trátase d'un desarrollu de la Llei d'Usu y Promoción del Asturianu, que nel so artículu 11 dispón que'l Principáu ha establecer les certificaciones qu'acreiten el conocimientu del asturianu.
Con esta aprobación, la ciudadanía va poder asina acreitar el so nivel d'asturianu al traviés de pruebes específiques que van tener cinco niveles: básicu 1, básicu 2, intermediu 1, intermediu 2 y avanzáu.
Les pruebes van constar d'exercicios de comprensión de testos orales y testos escritos, producción y coproducción de testos orales y de testos escritos y mediación.
Los certificaos algamaos van poder valorase nos procesos de reconocimientos de méritos que se van xestionar dende l'Alministración pública
El decretu tamién fala de la ellaboración del proyectu normativu que va regular los niveles de competencia nel usu del gallego-asturianu, amás de les sos correspondientes pruebes de certificación.
