UVIÉU, 22 Jun. (EUROPA PRESS) -
Los equipos del Serviciu de Salú del Principáu (Sespa) vacunaron a 633.221 persones (el 70,26% de la población diana) frente al coronavirus. Amás, 395.713 persones, cuatro de cada diez, completaron la pauta.
Según informó Salú en nota de prensa, esti llunes alministráronse 16.127 dosis, el númberu mayor nun día dende l'empiezu de la campaña, el 27 d'avientu. Amás, ta previstu a lo llargo del día de güei superar el millón de dosis inoculaes.
Pa cualquier consulta rellacionada cola vacunación, el Gobiernu autonómicu punxo en serviciu la llinia 984 016 114, na que va podercomprobase y actualizar el teléfonu de contactu pa la concertación de la cita.
