UVIÉU, 22 de Febreru (EUROPA PRESS)
El conseyeru de Presidencia y vocera del Executivu asturianu, Guillermo Martínez, aseguró esti miércoles qu'Asturies "nun va aceptar" qu'otres comunidaes autónomes, como Cataluña, reciban una mayor aportación de la financiación autonómica "por motivos distintos a les necesidaes reales vincuales al costu de prestación de servicios".
Na rueda de prensa posterior al Conseyu de Gobiernu, Martínez reaccionó asina a preguntes pola propuesta del exsecretariu xeneral del PSOE, Pedro Sánchez, d'apurrir más dineru a Cataluña pa meyorar les relaciones ente l'Estáu y l'autonomía.
Sin entrar a opinar "sobre posiciones de precandidatos" a la secretaria xeneral del PSOE, Martínez sí quiso dexar clara la postura del Executivu asturianu al respective de la financiaciación.
"Asturies siempre defendió, tamién na última Conferencia de Presidentes, que se llegue a un acuerdu que vincule la financiación a les necesidaes reales de cada Comunidá Autónoma", sorrayó.
Nesti sen, aseguró que'l Principáu "siempre defenderá" un acuerdu d'estes característiques y que nun aceptará "nengún 'apriorismu'" sobre qué Comunidá tien que recibir más o menos aportación por motivos ayenos al costu de prestación de servicios.
Sí valora, sicasí, que'l Gobiernu español tendría qu'atender les infraestructures d'Asturies. "El reequilibriu de la financiación pidióse, pero a la inversa, pa que s'atiendan les necesidaes", señaló.
