UVIÉU, 22 Oct. (EUROPA PRESS) -
El Principáu d'Asturies cuenta con una población de 1.034.960, de los que 256.642 son persones mayores de 65 años. Esto representa'l 24,8 por cientu de la so población total, prácticamente 1 de cada 4 habitantes. Esti datu ta mui perriba de lo que ye la situación nacional, onde'l colectivu de mayores de 65 años ta cerca del 19%.
Son datos estrayíos de los indicadores sociodemográficos Habits Big Data, de la consultora AIS Group, especialista nel desarrollu de sistemes intelixentes de marketing.
Entendiendo densidá como'l porcentaxe de población d'esti segmentu en relación al total d'habitantes d'una zona determinada, les comunidaes onde mayor ye la densidá de población de más de 65 años, amás d'Asturies, que ye la que presenta'l porcentaxe más altu (24,8%) son Castiella y Llión (24,7%), Galicia (24,6%) y País Vascu (21,7%).
