UVIÉU, 27 Oct. (EUROPA PRESS) -
El presidente del Gobiernu asturianu, el socialista Adrián Barbón, dixo esti martes que'l Principáu merez un tratu, nel repartu de los fondos europeos de reconstrucción, que sía proporcional al impactu grande que tien n'Asturies la transición enerxética. Recordó qu'esi capítulu absuerbe'l 37% del plan español de recuperación.
"Ye una cuestión de xusticia qu'Asturies tea a la cabeza nel empléu de los fondos rellacionaos cola transición verde", dixo Barbón na so intervención inicial nel debate d'orientación política na Xunta Xeneral.
El dirixente socialista considera qu'Asturies ta "en condiciones bones" pa sacar el partíu mayor" d'esos fondos europeos y garantizó que'l so gobiernu va dar esa batalla". Sicasí, matizó que nun quier facelo solu y pidió a la iniciativa privada, a axentes sociales y a la Universidá d'Uviéu que lu acompañen nesi procesu.
Barbón quier que pal repartu d'esos fondos tener en cuenta otres traces diferenciales que tien Asturies, como los que se refieren al avieyamientu y la despoblación.
"Asturies atropa una esperiencia estensa y bona de xestión d'ayudes europees al llombu, dende aquel famosu Plan Nacional d'Interés Comunitariu, el PNIC aprobáu a finales de los 80. Agora, énte los fondos de reconstrucción, tenemos muncha xera realizada en collaboración col empresariáu, les cámares de comerciu y los sindicatos, un trabayu que nos va permitir asitianos na vanguardia pa impulsar la transformación hacia una industria verde y sostenible", dixo'l presidente asturianu.
