UVIÉU, 27 Oct. (EUROPA PRESS) -
El presidente del Gobiernu asturianu, el socialista Adrián Barbón, repitió esti martes la ufierta a los distintos grupos de la oposición pa negociar non namás el proyectu de presupuestos de 2021, sinón tamién d'otres estratexes del Executivu p'Asturies.
"Tiéndo-yos la mano pa negociar los presupuestos de 2021 y alcordar al tiempu la recuperación y tresformación qu'Asturies precisa. Por eso, al empar que'l presupuestu, vamos negociar colos grupos parllamentarios el mapa d'estratexes del Gobiernu del Principáu, base pal aprovechamientu de los fondos europeos", dixo Barbón, na so intervención inicial nel debate d'orientación política na Xunta Xeneral.
"El Gobiernu del Principáu va convidar la selmana próxima a tolos grupos parllamentarios que defenden l'Estáu autonómicu a principiar la negociación del presupuestu", añedió.
