UVIÉU, 27 Mar. (EUROPA PRESS) -
El presidente del Principáu y secretariu xeneral de la Federación Socialista Asturiana (FSA) almitió esti miércoles que ta decepcionáu, tamién dende'l puntu de vista personal, pola forma na qu'actuaron los cuatro ediles de Llangréu qu'abandonaron el PSOE y quedaron como conceyales non adscritos.
"Muncha decepción personal", almitió Barbón que siente lo que pasó. Dixo'l dirixente socialista que "lo coherente", si marcharon del partíu, ye entregar l'acta de conceyal.
Pa Barbón eso sería "muncho más exemplarizante" énte la sociedá llangreana y colos votantes socialistes. Si tienen discrepancies insalvables cola dirección política llangreana nueva, cree Barbón que los cuatro ediles van tener que dimitir y dexar l'acta.
El secretariu xeneral de la FSA-PSOE esplicó que cuando ún milita nun partíu ha de saber que pue perder nun procesu. "Ún preséntase coles sigles d'un partíu y, lóxicamente, tien qu'aceptar la democracia interna", reprochó Barbón.
