MADRID, 21 Jun. (EUROPA PRESS) -
El Boletín Oficial del Estáu (BOE) publica esti xueves el nomamientu de María Luisa Carcedo como Alta Comisionada pa la llucha contra la probeza infantil. El nomamientu de l'hasta entós senadora asturiana foi aprobáu na xunta del Conseyu de Ministros del vienres pasáu.
Amás de la creación de Comisionado pa la llucha contra la probeza infantil, l'executivu de Pedro Sánchez creó'l Comisionado pa l'Axenda 2030 de Naciones Uníes, dambos dependientes de Presidencia del Gobiernu que se va encargar de la coordinación d'actuaciones pal "cumplimientu" de los oxetivos de Naciones Uníes de desarrollu sostenible.
La creación del órganu nuevu que va dirixir María Luisa Carcedo foi aplaudíu nel so día poles ONG d'infancia que reclamaron que la decisión vaiga acompañada de recursos y midíes.
Carcedo, secretaria de Sanidá y Consumu de la Executiva Federal del PSOE, foi designada senadado dende setiembre de 2015, cuando foi escoyida pal cargu pola Xunta Xeneral. Na llexislatura anterior, la de 2011, fuera diputada por Asturies nel Congresu.
Hasta'l so nomamientu, Carcedo yera portavoz axunta del Grupu Socialista, mano derecha d'Ander Gil na Cámara Alta. Los dos permanecieron fieles a Pedro Sánchez nel procesu pol que'l presidente ganó les primaries del PSOE y volvió ser secretariu xeneral, en contra del criteriu mayoritariu del grupu del Senáu.
Amás, yera vicepresidenta de dos comisiones, la de Sanidá y la creada pa estudiar y aprobar l'aplicación del artículu 155 en Cataluña. Tamién yera portavoz na de Reglamentu y vocal n'otros dos, la Comisión Xeneral de Comunidaes Autónomes y la d'Incompatibilidaes.
