UVIÉU, 22 Oct. (EUROPA PRESS) -
El Boletín Oficial del Principáu d'Asturies (BOPA) publica esti llunes la resolución de 8 d'ochobre de 2019, de la Conseyería de Cultura, Política Llingüística y Turismu, pola que s'amplía hasta'l 11 de payares el plazu de xustificación de subvenciones pa la restauración d'elementos que formen parte del Patrimoniu Cultural d'Asturies pa particulares y instituciones ensin fines d'arriquecimientu asitiaos nel Principáu d'Asturies, relativu a los horros, paneres, cabazos y otros elementos d'interés etnográficu.
Asina, dende l'Executivu autonómicu examinóse l'espediente de la convocatoria de subvenciones qu'establecía que'l plazu de xustificación va acabar el día 31 d'ochobre de 2019.
Nesi sentíu, el Serviciu de Protección, Caltenimientu y Espardimientu del Patrimoniu Cultural, valora que'l plazu de xustificación "ye insuficiente, porque a la vista del estáu de xestión nel que sta la tramitación de la convocatoria fai prever qu'ésta nun sería resuelta enantes de qu'acabe'l plazu de xustificación establecíu".
Por eso, autoriza a tolos beneficiarios una ampliación del plazu de xustificación de gastos, señalando como fecha llend de xustificación nueva'l día 11 de payares de 2019.
