UVIÉU, 19 Feb. (EUROPA PRESS) -
El Conceyu de Cangas del Narcea, al traviés del Serviciu de Normalización L.lingüística, presentó con motivu del Día Internacional de la Llingua Materna, el 21 de febreru, la campaña 'Asina los chamemos aiquí'.
La campaña quier dar a conecer la denominación d'especies de la fauna y la flora nel dialectu occidental del asturianu. Trátase d'una campaña pa les redes y que tamién va llegar a tolos centros educativos del conceyu y de Tinéu, Ayande y Degaña.
Nos carteles puen vese un total de 48 exemplares, ente ellos: l'osu, la l.lóndriga, el carbayu/carbachu/rebol.lu, el sardon/xardón, la pega o'l feisán, ente otros. Acompañen a les imáxenes unes claves que faciliten la interpretación de los conteníos.
