UVIÉU, 19 Oct. (EUROPA PRESS) -
El presidente del PP, Pablo Casado, apostó esti vienres por una política enerxética "más responsable" y que'l so modelu cuente siempre colos presidentes autonímicos.
Asina lo indicó en declaraciones a los periodistes a la so llegada al Hotel de La Reconquista d'Uviéu al ser preguntáu pol anunciu de la multinacional Alcoa de piesllar les factoríes d'Avilés y de A Coruña.
Pablo Casado indicó que tien prevista una xunta col presidente de Galicia, Alberto Núñez Feijó y cola presidenta de los 'populares' asturianos, Mercedes Fernández, aprovechando que los trés van tar güei n'Uviéu.
El líder de los populares aseguró que la so formación ta "mui esmolecida" polos puestos de trabayu y va trabayar pa "buscar la manera de garantizar l'empléu".
"Nós apostamos por una política enerxética más responsable y que tien que cuntar siempre cola posición de los presidentes autonómicos", manifestó.
Alberto Núñez Feijó tamién va aconceyar a les 16.00 hores d'esta tarde col presidente del Principáu d'Asturies, Javier Fernández na sede de Presidencia.
