UVIÉU, 20 d'Avientu. (EUROPA PRESS) -
El voceru parlamentariu de Foru Asturies, Francisco Álvarez-Cascos, repitió esti vienres nel debate sobre'l presupuestu del 2014 que "tener unos presupuestos bien malos ye lo peor que puede asocede-yos a los asturianos" y indicó que les cuentes presentaes pol Executivu "son la espresión del continuismu de les polítiques fracasaes, y el so refugu anuncia "el fin de ciclu de la hexemonía de los socialistes n'Asturies". Pela contra, la presidenta del PP, Mercedes Fernández, ofrecióse a negociar otra propuesta del PSOE "sin imposiciones2.
"Son unos presupuestos que retayen pero nun reformen, distribúin injustamente los sacrificios y trasluce el clientelismu. Magar llevar un añu y mediu nel Gobiernu'l señor Fernández presenta unos presupuestos inconsistentes porque nin siquier respuenden a los compromisos anunciaos nel so discursu de investidura", dixo Cascos que defendió la presentación d'una enmienda a la totalidá de les cuentes per parte del so partíu.
A xuiciu de Foru les cuentes presenten "falsedaes inaceptables del llau de los ingresos", lo mesmo qu'asocedió coles cuentes del actual 2013, dao que se trata d'un presupuestu ficticiu que nun reflexa los gastos reales". Añadió que se trata d'unes "cuentes opaques" qu'escuenden cuestiones como les de la financiación del Niemeyer y qu'amás nun presenten "nin un solu euru pa delles cuestiones fundamentales p'Asturies", y que los sos retayos cebáronse nel empléu, la educación y la sanidá.
Álvarez-Cascos preguntó al presidente'l marxe que se da antes que los asturianos agoten la so paciencia y acusólu d'incumplir les sos promeses y faltar al acuerdu de gobiernu colos sos socios de gobiernu pasando asina "a la llista de morosos y de grupos que nun son de fiar".
NEGOCIAR SIN IMPOSICIONES
Pela so parte, la vocera del Grupu Parlamentariu Popular na Xunta Xeneral, Mercedes Fernández, ofreció la posibilidá de negociar otru proyectu de presupuestu "sin imposiciones" per parte d'un Executivu "en minoría" pa evitar una prórroga de 12 meses, atendiendo a los intereses d'Asturies.
Na so intervención refugó les cuentes ellaboraes pol Gobiernu al entender que son "continuistes", nun traten un nuevu modelu fiscal "a la baxa" sinón que suben impuestos, y siguen sin amenorgar un sector públicu "mastodónticu".
"El presupuestu debe y pue meyorase", recalcó, negando que seya actuar con responsabilidá "apoyar a palpu un presupuestu que presenta un gobiernu en minoría". Por ello, reclamó "espacios pal acuerdu".
Y ye que, según Mercedes Fernández "podría ser bueno p'Asturies llegar a tener un presupuestu pero, en nengún casu, con imposición d'un gobiernu en minoría, sinón dende la negociación pa evitar una prórroga de doce meses". "Usté tien la iniciativa", díxo-y al presidente asturianu.
Amás, aprovechó pa recordar que se viven "tiempos difíciles pa tolos gobiernos", en referencia a "los que piden a otres instancies compromisos inversores que nun practiquen nos sos propios presupuestos".
Andalucía
