UVIÉU, 22 Mar. (EUROPA PRESS) -
El diputáu de Ciudadanos na Xunta Xeneral, Armando Fernández Bartolomé, criticó esti vienres el pactu ente "PSOE y PP cola collaboración d'IX" pa la renovación de la Sindicatura de Cuentes porque asegura que'l mesmu "vuelve poner de manifiestu qu'estos partíos actúen como fuercies d'ocupación d'instituciones que son de toos y nes que tendría de primar el méritu y la independencia".
Fernández Bartolomé manifestó que si PSOE y PP aceptaren el ponese a falar sobre "la reforma la llei, les incompatibilidaes y los tiempos pa que naide pudiera llegar a la institución cola camiseta d'un partíu políticu nun pasaba esto".
Y ye qu'al so xuiciu lo qu'asocedió una vez más ye un pactu "perbaxu la mesa con opacidá", nuevamente práctiques condenables que faen que vuelvan retratase como "auténticos ocupes de les instituciones que pagamos tolos asturianos".
