UVIÉU, 16 Oct. (EUROPA PRESS) -
La dirección xeneral de Cultura de la Comisión Europea convidó a Asturies a aprovechar les llinies de la Union pa fortalecer, desarrollar y apoyar l'asturianu, ente elles al traviés del programa Erasmus, lo que permitiría ampliar al ámbitu européu la visibilidá de la llingua asturiana.
Asina lo indicó la miembru d'esta entidá, Petri Bernardett, a la eurodiputada d'IU Ángela Vallina; al coordinador xeneral d'IX, Ramón Argüelles; al presidente de l'Academia de la Llingua Asturiana (ALLA), Xosé Antón González Riaño; y a la responsable de relaciones internacionales de la institución, Cristina Valdés.
Los cuatro tán en Bruxeles pa incluyir na axenda europea l'asturianu y, según señalaron dende IX al traviés de nota de prensa, Bernardett aseguró-yos que l'asturianu pue tener entrada y fondos en programes como l'Erasmus.
Per otru llau, los representantes de la ALLA entregaron y el 'Informe sobre la Llingua Asturiana', redactáu n'asturianu y inglés y nel que se recueyen datos básicos sobre la situación del asturianu.
