SEVILLA, 19 Nov. (EUROPA PRESS) -
L'expresidente de la Junta d'Andalucía José Antonio Griñán foi condenáu pola Audiencia Provincial de Sevilla a seis años de cárcel y 15 años de inhabilitación na conocida como 'pieza política' de la causa xudicial sobre los espedientes de regulación d'empléu (ERE), mentes que'l so antecesor nel cargu, Manuel Chaves, foi condenáu a nueve años de inhabilitación.
Asina lo recueye la sentencia que dio a conocer esti martes el tribunal de la Sección Primera de l'Audiencia Provincial de Sevilla pasáu cuasi un añu dende'l final del xuiciu y cerca de nueve desque la xuez Mercedes Alaya empecipiara la instrucción de la causa.
La Fiscalía Anticorrupción pidía pa Griñán seis años de prisión y 30 d'inhabilitación por prevaricación y malversación y pa Chaves diez años d'inhabilitación por prevaricación. La sentencia ye recurrible énte'l Tribunal Supremu.
