UVIÉU, 3 Jul. (EUROPA PRESS) -
El director xeneral de Salú Pública, Rafael Cofiño, destacó esti vienres que queden "selmanes crítiques" y anque Asturies tien unos resultaos positivos nel control de coronavirus, "queda muncho trabayu per delantre y ye mui probable qu'en díes próximos existan contaxos o brotos nuevos". Nesti sentíu aseguró que los confinamientos selectivos puen ser una opción a aplicar en casu de brotos.
Rafael Cofiño esplicó qu'hai rebrotes en comunidaes que muestre lo que pue pasar, dalgún d'ellos en comunidaes vecines. Por eso, preguntáu si optaríen por un confinamientu selectivu en casu de ser necesario, el director de salú indicó que "d'equí p'alantre los escenarios que podamos tener son d'incertidume dafechu".
"El confinamientu selectivu pue ser una opción a valorar. Va depender de munches cuestiones, de la zona xeográfica onde se de, del númberu d'afectaos, de los sos vinculos, del tipu de tresmisión, pero si que puen ser una opción".
CASU DE LA MUYER CONTAXADA EN GALICIA
Sobre'l casu de la muyer asturiana que vive y trabaya n'A Mariña, Lugo, y que dio positivu, Rafael Cofiño indicó que tán a la espera de los resultaos de les pruebes diagnóstiques realizaes a los sos contactos y que nun hai nenguna novedá.
Cofiño destacó que tamos énte un caso "frontera" ente dos comunidaes nel que s'actuó aína y que supón un exemplu bonu de les actuaciones de vixilancia pa tomar decisiones rápides. "Hubo una identificación mui rápida de los sos contactos. Remanamos un escenariu posible d'aparición de casos nuevos por eso hai que facer un llamamientu al aselu, pero siempre alerta. Nun se trata de tener mieu sinón prudencia y mázcara", indicó.
