UVIÉU, 11 Ago. (EUROPA PRESS) -
La Conseyería de Salú del Gobiernu asturianu declaró un brotu nuevu de coronavirus nuna empresa de Trubia (Uviéu). Hasta agora, detectáronse cuatro casos positivos, de los que trés son trabayadores de la compañía y otru un contactu familiar d'ún d'ellos.
Toles persones afectaes permanecen n'aislamientu domiciliariu con síntomes leves de la enfermedá. Nuna nota de prensa na qu'informaba d'esti brotu nuevu, el Gobiernu asturianu nun concretó'l nome de la empresa.
El Serviciu de Vixilancia Epidemiolóxica notificó al Ministeriu de Sanidá la declaración d'esti brotu nuevu nel Principáu.
RESIDENCIA DE MAYORES
Per otru llau, la residencia Villamil-Serantes, de Tapia, recuperó esti llunes la normalidá en confirmándose que l'únicu casu positivu, detectáu la selmana pasada, dio negativu nes pruebes posteriores.
D'esta manera, el centru residencial, de titularidá pública y xestionáu por Mensaxeros de la Paz, yá permite visites a residentes, los paseos y los movimientos dientro del equipamientu.
