UVIÉU, 15 Feb. (EUROPA PRESS) -
La Xunta pola Defensa de la Llingua Asturiana (XDLA) va entamar una nueva manifestación pola oficialidá del asturianu y del gallego-asturianu pal sábadu 6 d'abril a les 18.00 hores en Xixón, según informa l'asociación nun apunte nes sos redes sociales recoyíu por Europa Press.
"Depués de contactos con entidaes y asociaciones de toa Asturies, trabáyase na preparación d'esta movilización con un programa descentralizáu d'actividaes de toles menes --culturales, recreatives, musicales, gastronómiques, deportives...-- hasta llegar al día de la manifestación", indiquen dende la XDLA.
Nesi sentíu, la organización señala que les entidaes del texíu asociativo interesaes en collaborar cola difusión d'esta convocatoria puen sumase a ella entamando actividaes onde figure la imaxe de la campaña llamando a la manifestación. Amás, tamién se va repartir material informativo sobre la oficialidá.
