UVIÉU, 19 Nov. (EUROPA PRESS) -
La xornada de fuelga que protagonizaron esti llunes los xueces y fiscales traducióse na suspensión de delles vistes xudiciales. N'Asturies foron un total de 128 señalamientos los que se vieron afectaos, según informó'l Tribunal Superior de Xusticia d'Asturies.
Nel partíu xudicial d'Uviéu suspendiéronse 61 xuicios, de los que 40 correspuenden al xulgáu de primera instancia númberu 6, seis al númberu 4, trés al númberu 9, dos al númberu 10 y cuatro al xulgáu de violencia. Tamién se suspendieron seis xuicios na sección sesta de l'Audiencia Provincial.
En Xixón suspendiéronse un total de 31 señalamientos, siendo'l xulgáu más afectáu'l d'instrucción númberu 2, con siete vistes afectaes. N'Avilés, per otru llau, suspendiéronse 16, nueve en Llangréu, cinco en Mieres, ún en Llaviana, cuatro en L'Infiestu y ún en Tinéu.
Dende la TSXA tamién s'informó de qu'hasta'l momentu produciéronse 66 comunicaciones de fuelga de los xueces asturianos.
