UVIÉU, 3 May. (EUROPA PRESS) -
La Conseyería de Cultura, Política Llingüística y Deporte reabrió al públicu la cueva d'El Pindal, en Pimiango (Ribadeva). La decisión tomóse depués de reorganizar el serviciu de guarda-guía y de les propies visites pa garantizar la salú y la seguridá de les persones qu'acceden a esta cueva, declarada patrimoniu mundial pola UNESCO.
Nesti sentíu, dende'l Principáu trabayóse en tou momento pa garantizar el accesu nes condiciones de seguridá afayadices pa los trabayadores de la cueva, col obxetivu de llimitar la so exposición al gas radón, mientres continúa'l ciclu anual de midiciones yá empezáu a finales del 2023.
D'esta manera, reaxustáronse los turnos d'accesu públicu a la cueva y al puntu de recepción de visitantes, que pasa a tar xunto al edificiu del centru d'interpretación, próximu al aparcamientu de vehículos.
A partir d'agora van programase trés pases diarios con un cupu máximu de 10 persones caún, de miércoles a domingu. Pa participar nes visites guiáes ye imprescindible la reserva previa d'entrada nel teléfonu 608175284 (llamaes ente les 15 y les 17 hores de miércoles a domingu).
