UVIÉU, 13 Dic. (EUROPA PRESS) -
El dúu L-R avera esti domingu, día 15, la música folk asturiana al ciclu 'Conciertos con Historia'. La cita va ser a partir de les 12.30 hores na Factoría Cultural, con un preciu de 5 euros por entrada.
Con esti cuartu conciertu, los 'Conciertos con Historia' zarren el so periplu en 2019. Esta vez el protagonismu correspuénde-y a la música folk, al dúu asturianu L-R, conformáu por Leticia Baselgas y Rubén Bada, según indiquen dende'l Conceyu en nota de prensa.
Entamáu por 'Juventudes Musicales' d'Avilés en collaboración cola conceyalía de Cultura, una de les singularidaes del ciclu ye que'l públicu va poder interactuar colos músicos al acabar el recital mentes toma un vermú.
