El féretru del expresidente llega a la Xunta Xeneral arropáu pola clase política asturiana

Abrazo de la viuda y el hijo de Areces.
EUROPA PRESS.
Publicado 17/01/2019 15:14:50CET

UVIÉU, 17 Ene. (EUROPA PRESS) -

Los restos mortales del ex presidente del Principáu, Vicente Álvarez Areces, llegaron a les 14.00 hores a la Xunta Xeneral, onde la vilba tuvo en tou momentu arropada pol presidente actual del Principáu, Javier Fernández, y pol del Parllamentu, Pedro Sanjurjo.

El coche fúnebre llegó xusto a les 14.00 hores viniente del Tanatoriu de Cabueñes, en Xixón. Na escalera de la Xunta Xeneral esperaben Fernández y Sanjurjo, qu'acompañaron el féretru d'Areces xunto la so vilba hasta'l Salón Europa, el más solemne del Parllamentu asturianu.

Sobre'l féretru del presidente punxeron una bandera d'Asturies y otra d'España xunto a una semeya grande del agora senador y delles corones de flores. Ellí una importante representación institucional acompañó a la familia.

Tuvieron presentes el rector de la Universidá d'Uviéu, Santiago Granda; pasando pela delegada del Gobiernu, Delia Losa; los secretarios xenerales de la FSA, IX y Podemos, Adrián Barbón, Ramón Argüelles y Daniel Ripa, respectivamente; o la portavoz socialista nel Congresu, l'asturiana Adriana Lastra.

Tamién taben l'alcalde d'Uviéu, Wenceslao López, y l'alcaldesa d'Avilés, Mariví Monteserín; la senadora por Asturies María Fernández Álvarez; o los conseyeros Guillermo Martínez, Pilar Varela, Dolores Carcedo o Fernando Lastra.

Xuntos ellos una amplia representación socialista, como la del portavoz parllamentariu na Xunta Marcelino Marcos o el so homologu en Xixón, José María Pérez. Tamién taben portavoces d'otros grupos, como Mercedes Fernández (PP), Emilio León (Podemos), Gaspar Llamazares (IX-IX) y Pedro Leal (Foru).

Ún de los momentos más emotivos del actu foi cuando'l fíu d'Álvarez Areces llegó al veloriu unos minutos depués de les 14.00 hores, fundiéndose nun abrazu cola so madre. Depués de cuasi 30 minutos de silenciu, la vilba y el fíu d'Areces, acompañaos pol presidente del Principáu y de la Xunta, pasaron a recibir el pésame de les autoridaes presentes.

Los restos del mandatariu socialista van velase na sede parllamentaria esti xueves hasta les 21.00 hores. El vienres 18 de xineru, los asturianos que deseyen presentar los sos respetos al expresidente van poder volver pasar pela Xunta Xeneral de 9.00 a 11.00 hores, momentu en que los restos mortales van ser treslladaos al Conceyu de Xixón pola so condición d'alcalde d'esta ciudá a lo llargo 12 años.

Per otru llau, el domingu 20, La Llaboral va acoyer un actu institucional de despidida. Va ser a les 12.00 hores.