UVIÉU, 17 Oct. (EUROPA PRESS) -
El presidente del Gobiernu d'Asturies, Javier Fernández, va aconceyar esti vienres próximu n'Uviéu col presidente de la Xunta de Galicia, Alberto Núñez Feijóo, p'analizar l'anunciu del pieslle de la multinacional Alcoa, con plantes en dambes comunidaes.
Amás, según fontes de Presidencia, el xefe del Executivu asturianu telefonió esta mañana a les ministres Reyes Maroto y Teresa Ribera pa solicitar una xunta con dambes pa tratar la situación de la empresa.
L'alcuentru col presidente gallegu va celebrase a les 16.30 hores na sede de la Presidencia del Principáu pa coordinar la respuesta de dambos gobiernos depués del anunciu d'Alcoa de pieslle de les sos plantes d'Avilés y La Coruña.
