UVIÉU, 15 Oct. (EUROPA PRESS) -
El secretariu xeneral de Foru Asturies, Adrián Pumares, afirmó esti llunes que les decisiones que ta adoptando'l Gobiernu de Pedro Sánchez afecten de forma "mui negativa y irreversible" a Asturies.
"Parecía difícil faecr más dañu a la nuestra comunidá autónoma que nes dos llexislatures de Rodríguez Zapatero y la primera de Mariano Rajoy, pero Pedro Sánchez supéralo poniendo'l llistón más altu: enxamás un Gobiernu fixo tanto dañu a Asturies en tan pocu tiempu", dixo Pumares.
Esplicó que la "última agresión" a Asturies ye la decisión de "arrampuñar" l'alta velocidá, arrenunciando al anchu européu comprometíu gracies al pactu de coalición PP-Foru, y "desconectando Asturies del restu d'Europa implantando l'anchu ibéricu, condergándonos d'esa forma a la marxinación".
Otru exemplu "sangrante", dixo, ye la reforma enerxética que plantegó Sánchez y que "enaliza a les térmiques frente al gas, beneficiando a les empreses vasques énte la industria del restu d'España".
Considera'l dirixente de Foru que la campaña "antidiésel" obliga a ArcelorMittal a recurtiar producciones y plantiya y que cerrar les térmiques y acabar col carbón autóctono "desertizará les Cuenques, va xubir la lluz y deslocalizará la industria".
Pumares cargó contra la vicesecretaria del PSOE, l'asturiana Adriana Lastra, a la qu'acusó de "traicionar" los intereses d'Asturies al votar a favor del pieslle de les térmiques nel Congresu y defender agora'l cambiu de víes na Variante
"Pedro Sánchez ta poniendo a prueba la paciencia de los asturianos, exemplu de llealtá a España, que nunca reclamemos ser más que naide, pero que nun vamos consentir ser menos que los demás", dixo'l secretariu xeneral de Foru
