Foto: EUROPA PRESS
av2" class="NormalTextoNoticia" itemprop="articleBody">
UVIÉU, 1 d'Agostu (EUROPA PRESS)
La vocera de Foru na Xunta Xeneral, Cristina Coto, acusó esti vienres a PSOE y PP d'intentar "cargase" al conseyu d'Alministración de Televisión del Principáu d'Asturies (TPA) al traviés d'un cambiu lexislativu.
Según esplicó Coto al traviés d'una nota de prensa, l'oxetivu ye que "tol poder" quede centralizao nel director xeneral de TPA, Antonio Virgili, quien, dixo Coto, tien la "acreditada costume" de "axudicar contratos". Por ello, manifestó, que'l so grupu parlamentariu va exercer un control "rigorosu" sobre lo que pasa nel futuru.
Esi intentu d'acabar col conseyu d'alministración respuende precisamente, pa Coto, al propósitu de llibrase de dos procedimientos xudiciales en cursu, "ún contra l'arbitraria ya illegal programación partidista d'informativos, y otru contra la decisión sin precedentes de negar al propiu Conseyu d'Alministración la contabilidá".
Per otru llau, la vocera de Foru anunció que'l so grupu parlamentariu rexistró una batería de preguntes al gobiernu col fin de conocer l'autoría, el procedimientu de contratación y el costu de la encuesta publicada por TPA'l pasáu 23 de xunetu.
"Que la TPA, pagada por tolos asturianos publique oportunes encuestes 'anónimes' ye un nuevu pasu na politización d'esti mediu impulsada n'Asturies pol PPSOE", acabó Coto.
