UVIÉU, 23 Abr. (EUROPA PRESS) -
El Conseyu de Gobiernu aprobó esti vienres el proyectu de llei que modifica la llei autonómica 7/2019, de Salú, pa reforciar el sistema sanitariu. El cambiu va permitir "declarar la situación d'emerxencia por crisis sanitaria na comunidá y impulsar actuaciones de protección a nivel sanitariu, económicu y social".
Nesti sentíu, pa caltener la salú de la población van poder adoptase les midíes especiales previstes na Llei Orgánica 3/1986.
"Nel contestu actual provocáu pol andanciu de la covid-19, la protección de la salú pública cobra más importancia que nunca, polo que'l Principáu pretende dotase de les ferramientes normatives complementaries necesaries pa disponer d'un marcu xurídicu sólidu y con visión de futuru", remarquen dende'l Gobiernu d'Adrián Barbón.
