UVIÉU, 26 Mar. (EUROPA PRESS) -
La conseyera de Cultura, Política Llingüística y Turismu, Vanessa Gutiérrez, afirmó que la prórroga de los Presupuestos Xenerales del Estáu (PXE) nun afecta, de primeres, a les polítiques culturales proyectaes n'Asturies, bien porque la prorroga supón la so continuidá o porque les actuaciones contemplaes tienen calter tresanual.
Nuna comparecencia na Xunta Xeneral esti martes, Gutiérrez esplicó que nun ye "previsibible" que la prórroga afecte a les partíes que tienen que ver cola so Conseyería porque "anque siempre ye meyor cuntar con presupuestos, los del 2023 teníen una dotación importante p'Asturies, polo que la prórroga nun tien que ser una noticia mala pa la nuestra comunidá".
Nesi sentíu, destacó'l calter tresanual de la mayoría d'actuaciones. Por casu, la rehabilitación del Monesteriu de Corniana o la intervención nel Pozu Santa Bárbara de Mieres. Otres partíes, como'l presupuestu estatal pa la programación del Centru Niemeyer o les partida para l'Arte Asturiana o Prerrománicu, van caltenese al prorrogase el presupuestu.
Gutiérrez esplicólo asina énte la entruga del diputáu del PP José Luis Costillas sobre la prórroga de los presupuestos xenerales del Estáu, onde'l 'popular' alertó de qu'esta situación va enzancar la captación de los fondos europeos y que nun se van renovar los programes de 2023, amás de torgar aumentar partíes presupuestarios nin principiar inversiones o programes nuevos.
