UVIÉU, 14 Mar. (EUROPA PRESS) -
Iniciativa pol Asturianu acaba de presentar una quexa formal al Conceyu de Siero y a la Conseyería d'Infraestructures, Ordenación del Territoriu y Mediu Ambiente polos cambios de señalización na parroquia de La Collá.
L'asociación denuncia que la señal de la carretera onde aparecía'l topónimu yá derogáu 'La Collada' foi eliminada, "pero nun se sustituyó por una señal nueva, quedando ensin señalar la entrada a la parroquia de La Collá, siendo esti el topónimu oficial".
Iniciativa indica que instalación y mantenimientu de les señales na carretera AS-248 son competencia del Gobiernu del Principáu d'Asturies, pero ye responsabilidá del Conceyu de Siero tar vixilante y facer cumplir de la llexislación nel so territoriu. Per otru llau, recuerden que les dos señales del llugar de Güergu, aparecen de forma incorrecta como 'Güergo'.
