UVIÉU, 18 Oct. (EUROPA PRESS) -
Lluchando pola Soberanía, la organización qu'entamó'l 8 de setiembre la marcha contra la visita de los Reis y la Princesa d'Asturies a Cuadonga, fai un llamáu a los conceyos asturianos pa que se declaren 'conceyu republicanu'.
La propuesta foi unviada a los distintos grupos municipales nos conceyos asturianos y, amás, reclama qu'estos nun faigan gastu públicu p'actos o publicidá monárquicos y la retirada de nomes alusivos a la monarquía borbónica nes cais de cada llugar.
P'acabar, na moción recuéyese que nun se va mandar nenguna representación oficial a los actos asociaos a la monarquía española y que se fomentaríen les rellaciones ente conceyos republicanos.
Per otru llau, Lluchando pola Soberanía llama a la participación na manifestación contra los Premios Princesa d'Asturies que se va a facer esti vienres 19 ente'l Teatru Campoamor.