IX confirma a Concha Masa como candidata a l'alcaldía d'Uviéu

La diputada de IU Asturias, Concha Masa
EUROPA PRESS - Archivo
Publicado 17/01/2019 12:49:50CET

UVIÉU, 17 Ene. (EUROPA PRESS) -

Izquierda Xunida (IX) confirmó a la diputada Concha Masa como candidata a l'alcaldía d'Uviéu pa les elecciones del 26 de mayu. La organización local d'Izquierda Xunida zarró esti xueves el so procesu de primaries pa les elecciones municipales de mayu cola proclamación de la candidatura de Masa.

En cumpliéndose el plazu de presentación de candidatures, la de Masa foi la única presentada énte la Comisión Electoral. Na propuesta, acompañáronla'l coordinador local y conceyal, Iván Álvarez, y la portavoz municipal, Cristina Pontón, como númberos dos y trés, respectivamente.

Al nun existir más candidatures, y cumpliendo ésta les condiciones y avales necesarios según el reglamentu de les primaries, la Comisión Electoral proclamó como oficial la candidatura de Concha Masa a l'alcaldía d'Uviéu, y nes selmanes próximes la organización va completar la llista que se va presentar a los comicios municipales del mes de mayu próximu.